"Barselona"nın prezidenti Joan Laporta hakimlərin Kataloniya klubuna kömək etməsi ilə bağlı ittihamlara münasibət bildirib. 90plus.az xəbər verir ki, klub rəhbəri "Football Espana"ya açıqlamasında deyib: "Hər kəsə aydın olsun ki, "Barselona" heç vaxt hakimlərə rüşvət verməyib və bu cür niyyətimiz olmayıb. Qətiyyən. Faktlar tarixi dəyişdirməyə çalışanlarla ziddiyyət təşkil edir". Xatırladaq ki, daha əvvəl "Barselona"nın İspaniyanın Futbol Federasiyasının hakimlər departamentinin keçmiş rəhbəri Enrikes Neqreyraya rüşvət verməsi ilə bağlı xəbərlər yayılmışdı.