"İnter"in qapıçısı Andre Onana "Mançester Yunayted"ə transfer olunub. 90plus.az klubun saytına istinadən xəbər verir ki, 27 yaşlı qolkiperlə 2028-ci ilin yayına kimi müqavilə imzalanıb. Xatırladaq ki, bu həftənin əvvəlində “Mançester Yunayted”in Onanın transferi üçün “İnter”ə 55 milyon avro ödəyəcəyi xəbəri yayılmışdı. Qeyd edək ki, Kamerun millisinin qapıçısı 2022-ci ilin yayından İtaliya təmsilçisində çıxış edirdi.