"Liverpul" Çempionlar Liqasının 1/8 finalından "Real"a ümumi nəticədə 2:6 (2:5, 0:1) hesabı ilə uduzub.  90plus.az xəbər verir ki, klubun ikinci matçda məğlubiyyətindən sonra Britaniya klubunun azarkeşləri baş məşqçi Yurgen Kloppun Çempionlar Liqasının finalına çıxmaq vədlərini xatırladıblar. Ötən mövsümün sonunda alman mütəxəssis mətbuat konfransında demişdi: “Gələn il Çempionlar Liqasının finalı harada keçiriləcək? İstanbulda? Otelinizi indi bron edə bilərsiniz!”. "Liverpul" azarkeşləri sosial şəbəkələrdə Kloppun bu sözlərini xatırladaraq aşağıdakı paylaşımlar ediblər. "Klop rezervasiya pullarımızı geri qaytar, Cənab Klop, finala bileti alaq?".