Mövsümə dizdən yüngül zədə ilə başlayan və baş məşqçi Pep Qvardiolanın əsas heyətdə şans vermədiyi Aymerik Laport İngiltərəni tərk edə bilər. 90plus.az “Mundo Deportivo”ya istinadən xəbər verir ki, “Mançester Siti"nin ulduz müdafiəçisi Laporte Premyer Liqa komandasını tərk edərək karyerasını “Barselona”da davam etdirmək istəyir. 28 yaşlı futbolçunun Kataloniya komandasına transferi üçün "Mançester Siti" ilə "Barselona" arasında təmasların olduğu bildirilib. Xüsusilə, baş məşqçi Xavi Hernandezin komandaya solayaqlı müdafiəçi istədiyi bildirilib və o, bu transferə müsbət baxır. "Mançester Siti" isə Aymerik Laport ilə yollarını ayıracağı təqdirdə "Leypsiq"in xorvatiyalı müdafiəçisi Yosko Qvardiol üçün hərəkətə keçəcək. Qeyd edək ki, Laport bu mövsüm "Mançester Siti" ilə Premyer Liqada cəmi 7 oyuna çıxıb.