Niderlandlı məşhur futbolçu, Moskva “Spartak”ının hücumçusu Kuinsi Promes Dubayda həbs olunub. 90plus.az xəbər verir ki, Niderland məhkəməsinin qərarı ilə 6 il müddətinə həbs cəzası alan forvard komandası ilə təlim-məşq toplanışında olarkən saxlanılıb. 32 yaşlı futbolçu ölkəsinin hökumətinə təhvil veriləcək. Niderland millisinin sabiq üzvü 2020-ci ildə külli miqdarda narkotik satışında təqsirli bilinib. Qeyd : Kuinsi Promes bu mövsüm “Spartak”ın heyətində meydana çıxdığı 21 rəsmi matçda 8 qol və 8 məhsuldar ötürmə ilə yadda qalıb. Mənbə: The Guardian