“Mançester Siti” Qvardiolu saxlamaq üçün böyük müqavilə hazırlayır.
90plus.az xəbər verir ki, “Mançester Siti" müdafiə xəttinin əsas fiqurlarından biri Yosko Qvardiol ilə bağlı yeni müqavilə planı hazırlayır.
Məlumata görə, İngiltərə çempionu xorvat futbolçuya ciddi maaş artımı və uzunmüddətli yeni sözləşmə təklif etməyə hazırlaşır. Klub rəhbərliyi Qvardiolu gələcək layihənin əsas sütunlarından biri kimi görür və onun komandada qalmasını prioritet hesab edir.
Eyni zamanda futbolçunun xidmətində "Real Madrid" klubunun da maraqlı olduğu bildirilir. İddialara görə, Qvardiolun transferi əvvəllər Luka Modriç tərəfindən də müsbət qiymətləndirilib və İspaniya nəhəngi onun vəziyyətini izləməyə davam edir.
Buna baxmayaraq, “Mançester Siti” müdafiəçini heyətdə saxlamaq üçün qəti addımlar atmağa hazırlaşır və futbolçunu mümkün transfer təkliflərindən uzaq tutmağı planlaşdırır.
Mənbəyə görə, klubun əsas məqsədi Qvardiol ətrafında uzunmüddətli və sabit müdafiə xətti formalaşdırmaqdır.
