“Mançester Yunayted”də yeni era: Karrikə tam etimad – 8 namizəd kənarda qaldı!
90plus.az xəbər verir ki, “Mançester Yunayted” baş məşqçi postu ilə bağlı qərarını demək olar ki, rəsmiləşdirməyə hazırlaşır. Klub rəhbərliyi keçmiş futbolçu Maykl Karrikə uzunmüddətli etimad göstərmək qərarına gəlib.
Məlumata görə, “Old Trafford” rəhbərliyindəki əsas fiqurlar Karrikin namizədliyi ətrafında tam razılığa gəlib və artıq onu komandanın daimi baş məşqçisi kimi görürlər. Bu qərarla paralel olaraq digər səkkiz potensial namizədin gündəmdən çıxarıldığı bildirilir.
Klubun planlarına əsasən, Karrikin məşqçi heyətinin formalaşdırılması da artıq başlanıb. Bu çərçivədə Aaron Danksın yeni layihəyə qoşulması üçün danışıqlar aparılır.
Mənbələrin iddiasına görə, “Mançester Yunayted” rəhbərliyi Karrikin oyun fəlsəfəsini və klub daxilindəki nüfuzunu uzunmüddətli layihənin əsas dayağı kimi görür.
Beləliklə, klubda yeni baş məşqçi dövrünün yaxın zamanda rəsmiləşməsi gözlənilir və Karrik layihəsi “Yunayted”in gələcək planlarının mərkəzinə çevrilir.
