Fransanın PSJ klubu baş məşqçisi Kristofer Qaltyeni istefaya göndərə bilər. 90plus.az "Relevo" nəşrinə istinadən xəbər verir ki, Paris təmsilçisinin prezidenti Nasser Əl-Xəlaifi 57 yaşlı mütəxəssisin taleyini həll etmək üçün bu gün klub rəhbərliyi ilə görüşəcək. O, komandanın Almaniya "Bayern Münhen"inə qarşı UEFA Çempionlar Liqasının 1/8 final mərhələsindəki oyunlarından narazı qalıb. Ölkə çempionu Qaltye ilə vidalaşmaq qərarına gəlsə, almaniyalı Tomas Tuxel onun yerinə əsas namizəd olacaq. Qeyd edək ki, PSJ "Bayern Münhen"ə 0:1 və 0:2 hesabı ilə uduzaraq mübarizəni dayandırıb. Tuxel 2018 - 2020-ci illərdə Fransa təmsilçisinin sükanı arxasında olub.