"Real"ın və Belçika millisinin futbolçusu Eden Hazard "Qalatasaray"a keçməkdən imtina edib. 90plus.az xəbər verir ki, bu haqda İspaniya mətbuatı məlumat yayıb. 32 yaşlı hücumçu karyerasını Türkiyə Superliqasında davam etdirə bilərdi. Lakin futbolçu özü bu təklifdən imtina edib. Qeyd edək ki, bu mövsümdə Eden "Real"ın heyətində bütün yarışlarda 7 oyun keçirib (296 dəqiqə), 1 qol vurub və 1 qolun ötürməsini verib.