"Qalatasaray" Barış Alper Yılmazın komandadan ayrılmasına icazə verib.  

90plus.az xəbər verir ki, Türkiyənin nəhəng klubu futbolçunun transfer qiymətini müəyyənləşdirib. "Milliyet" qəzetinin xəbərinə əsasən, "Qalatasaray" Barış Alper Yılmaz üçün 40 milyon avro tələb edir. Əgər bu transfer məhz bu məbləğə baş tutarsa, klub tarixində ən bahalı keçid olacaq.  

Qeyd: Barış Alper Yılmaz cari mövsümdə "Qalatasaray" forması ilə 40 oyunda iştirak edib. O, bu matçlarda 11 qol vurub və 5 asist edib.