UEFA Konfrans Liqasının pley-off mərhələsində bu gün “Gent”lə keçiriləcək oyunda “Qarabağ”ın qapısını kimin qoruyacağı məlum olub. 90plus.az xəbər verir ki, gürcüstanlı qolkiper Luka Quqeşaşvili ilk 11-likdə yer alıb. “Qarabağ” – “Gent” matçı saat 21:45-də başlayacaq. Qeyd edək ki, əsas qapıçı Şahruddin Məhəmmədəliyevin zədələnməsindən sonra Ağdam təmsilçisində “Gent”lə oyunlarda qapıda Quqeşaşvilinin, yoxsa gənc qapıçı Amin Ramazanovun dayanacağı sual doğururdu.