"Qarabağ" Antalya təlim-məşq toplanışı çərçivəsində bu gün iki yoxlama oyunu keçirəcək. 90plus.az xəbər verir ki, Ağdam təmsilçisi əvvəlcə "Çukariçki" (Serbiya) ilə gücünü sınayacaq. "Mardan Sports Complex"də baş tutacaq oyun saat 12:00-da start götürəcək.  Qurban Qurbanovun baş məşqçi olduğu komanda günün ikinci yarısında Polşanın "Poqon" kollektivi ilə qarşılaşacaq. Saat 17:30-da başlayacaq matç "Gloria Sports Arena"da keçiriləcək. Qeyd edək ki, "Qarabağ" ilk sınaq görüşündə "Rakuv"a (0:3) uduzub.