"Real" FİFA-nın təşkil etdiyi "The Best" mükafalandırma mərasimindən narazı qalıb. 90plus.az AS-a istinadən xəbər verir ki,  Madrid klubunun rəhbərliyi Çempionlar Liqası, La Liqa, UEFA Superkuboku və İspaniyada qazandıqları qələbələrə baxmayaraq, komandalarının oyunçularının diqqətdən kənarda qalmasından məmnun deyil. Dörd ay əvvəl Kərim Benzema “Qızıl top”u, Tibo Kurtua isə Lev Yaşin mükafatını qazansa da, klub oyunçularının "The Best"də mükafatsız qalmasına təəccüblənib. "Real" ilin rəmzi komandasında Vinisius Juniorun olmamasından da narazıdır. Qeyd edək ki, milli komandaların məşqçiləri və kapitanları, jurnalistlər və azarkeşlər arasında keçirilən səsvermənin ümumi nəticəsinə əsasən FİFA-nın mükafatları verilir. İlin milli komandası isə yalnız futbolçuların səsverməsi ilə seçilir. Qeyd edək ki, Lionel Messi (Argentina, PSJ) ilin ən yaxşı futbolçusu, Emiliano Martines (Argentina, "Aston Villa") ilin ən yaxşı qapıçısı, Lionel Skaloni (Argentina) ilin ən yaxşı məşqçisi seçilib.