"Qarabağ"ın baş məşqçisi Qurban Qurbanov Konfrans Liqasının pley-off mərhələsində sabah keçiriləcək "Gent"lə matçda  qapını Luka Quqeşaşvilinin yoxsa Amin Ramazanovun qoruyacağı ilə bağlı sualı cavablandırıb . 90plus.az xəbər verir ki, o, keçirilən mətbuat konfransında bununla bağlı deyib: "Heyətdə çox dəyişiklik oldu. Zədəlilər, komandadan gedənlərə baxsaq, heç də az dəyişiklik deyil. Bu gün 3-4 futbolçumuzun heyətdən kənar olması, bizim üçün asan deyil. Bugünkü "Qarabağ"dan daha yaxşı "Qarabağ"ı gələcəkdə görəcəyik. Oyunumuzu tam formalaşdırmamışıq. Kadi və Ovusunun olmaması, Vadjinin getməsi, Abbasın zədələnməsi..Elə oyunçular var ki, özlərinə tam gəlməyiblər. Bunlar narahat edən məqamlardır. Amma qapıya gəldikdə, sabahkı oyunda hər ikisinin oynamaq ehtimalı var. Tam qərar verməmişəm. Oyunda biləcəksiniz".