"Barselona" "Mançester Siti"nin futbolçusu İlkay Gündoğanı transfer etməyin yollarını axtarır. 90plus.az xəbər verir ki, bu barədə AS məlumat yayıb. Kataloniya təmsilçisinin baş məşqçisi Xavi artıq 32 yaşlı yarımmüdafiəçi ilə əlaqə saxlayıb. Mütəxəssis özü şəxsən Gündoğana zəng vurub. O, futbolçunu əmin edib ki, "Barselona" feyr-pley məsələlərini həll edəcək və onun maaşında problem yaranmayacaq. Türk əsilli alman futbolçu özü də bu transferə müsbət yanaşır. Tərəflər razılaşarsa, 3 illik müqavilə imzalayacaqlar. Gündoğanın "Barselona"ya azad agent kimi keçməsi gözlənilir. Çünki onun "şəhərlilər"lə müqaviləsi bu ilin yayına qədərdir. Qeyd edək ki, Gündoğan bu mövsüm ümumilikdə 37 matçda 4 qol vurub və 4 qolun ötürməsini verib.