"Qalatasaray"dan ayrılan Xuan Matanın yeni klubu müəyyənləşib. 90plus.az xəbər verir ki, 35 yaşlı yarımmüdafiəçi karyerasını Yaponiyada davam etdirəcək. Təcrübəli oyunçu "Vissel Kobe"yə keçib. Bu barədə klubun rəsmi saytı məlumat yayıb. Qeyd edək ki, Xuan Mata ötən ilin yayında "Mançester Yunayted"dən ayrıldıqdan sonra "Qalatasaray"a keçmişdi. İspaniya millisinin sabiq üzvü "sarı-qırmızılar"da 18 matçda 3 qol vurub və 2 məhsuldar ötürmə edib.