Davinson Sançez: “Dünyada hər kəsə qarşı müdafiə oluna bilərəm”.
90plus.az xəbər verir ki, Kolumbiya millisinin və “Qalatasaray” klubunun müdafiəçisi Davinson Sançez iddialı açıqlaması ilə diqqət çəkib. Təcrübəli müdafiəçi indiyədək ən çətin rəqibinin kim olduğu sualına cavab verərkən özünə olan inamını nümayiş etdirib:
“Ən çox hansı oyunçuya qarşı müdafiə olunmaqda çətinlik çəkdin?” – sualına Sançez belə cavab verib:
“Dünyada hər kəsə qarşı müdafiə oluna biləcək qabiliyyətə sahibəm.”
📰: Sportcell
Kolumbiyalı futbolçunun bu cür iddialı açıqlaması sosial şəbəkələrdə maraqla qarşılanıb. O, xüsusən sürətli və texnikalı hücumçulara qarşı fiziki gücü və mövqe seçimi ilə fərqlənməsi ilə tanınır.
Davinson Sançez bu mövsüm “Qalatasaray”ın heyətində bütün turnirlərdə 30-dan çox oyunda forma geyinib və komandasının Super Liqa çempionluğunda pay sahibi olub. O, daha əvvəl “Tottenhem” və “Ayaks” kimi klublarda da çıxış edib və beynəlxalq təcrübəyə malikdir.
Qeyd: Hazırda Sançez Kolumbiya millisinin heyətində Amerika Kuboku üçün hazırlıqlara qatılıb.
