Bu mövsüm liderliyi "Napoli"yə itirən və çempion yarışından uzaq qalan "İnter" Simone İnzaqi ilə yollarını ayırmağa hazırlaşır. 90plus.az İtaliya mətbuatına istinadən xəbər verir ki, “İnter” Simone İnzaqinlə 2024-cü ilin yayına qədər müqaviləsi olsa da, mövsümün sonunda 46 yaşlı çalışdırıcı ilə yollarını ayıracaq. İtaliya təmsilçisinin namizədləri arasında daha əvvəl klubda çıxış edən "Qalatasaray"ın baş məşqçisi Okan Buruk da var. Qeyd edək ki, "Qalatasaray"da 13 oyunluq qələbə seriyası olan Okan Burukun müqaviləsi mövsümün sonunda başa çatır.