"Qalatasaray"ın futbolçusu Mauro İkardi zədələnib. 90plus.az klubun saytına istinadən xəbər verir ki, argentinalı hücumçu Türkiyə Superliqasının 9-cu turunda "Beşiktaş"a qarşı matçda (2:1) ayaq biləyindən zədə alıb. Onun müalicəsinə başlanıldığı vurğulanıb. Türkiyə mətbuatı  M.İkardinin oktyabrın 24-ü "Bavariya"ya qarşı keçiriləcək Çempionlar Liqası qrup mərhələsinin 3-cü tur matçında oynamaq şansının az olduğunu yazıb.