“Volfsburq” klubunun müdafiəçisi Mikki van de Ven “Tottenhem”ə keçməyə yaxındır. 90plus.az “TalkSport”-a istinadən xəbər verir ki, ingilislər 22 yaşlı futbolçu ilə müqavilənin şərtlərinə dair razılıq əldə ediblər. Niderlandlı oyunçu 2021-ci ilin avqustundan Bundesliqa təmsilçisində çıxış edir. O, başa çatan mövsümdə 36 oyuna çıxıb, bir qol vurub və iki məhsuldar ötürmə edib. Mikki van de Ven DÇ-2022-də Niderland milli komandasının heyətində yer alıb.