“Real”ın baş məşqçisi Karlo Ançelotti hücumçu Kərim Benzema barədə danışıb. 90plus.az AS nəşrinə istinadən xəbər verir ki, o, fransalı hücumçunun fiziki cəhətdən yaxşı formada olduğunu deyib: “Hər oyunda üstün olmaq mümkün deyil. Benzema üçün narahat deyiləm. Çünki onun fiziki cəhətdən formada olduğunu görürəm. Komandam hücumda yaxşı oynayır. Biz La Liqanın ən məhsuldar komandasıyıq. Komandanın qol vurmaq kimi problemi yoxdur. Məsələn, “Liverpul”a beş qol vurduq. “Real”a uzunboylu hücumçu lazım deyil. Daha doğrusu, biz forvard təsvir etsək, Benzemanı misal çəkərik. Bizə mərkəz hücumçuları da lazım deyil. Kərim bizə çox kömək edir. Mövsümün həlledici mərhələlərinə doğru irəliləyirik. Benzema da kuboklara doğru yaxınlaşır”. Fransalı hücumçu cari mövsümdə “kral klubu”nun heyətində 26 oyuna çıxıb, 18 qol vurub və 5 məhsuldar ötürmə edib.