“Beşiktaş” Azərbaycanda yoldaşlıq oyunu keçirəcək. 90plus.az xəbər verir ki, bu barədə “Sabah” nəşri məlumat verib. İstanbul təmsilçisi zəlzələdən əziyyət çəkənlərə yardım məqsədilə iki ölkədə yoldaşlıq görüşü təşkil edəcək. “Ağ-qaralar” əvvəlcə bu ay milli komandaların oyunları ilə əlaqədar yaranacaq fasilə zamanı Almaniya təmsilçilərindən biri ilə qarşılaşacaq. Hazırda “Borussiya” (Münhenqladbax) və “Leyptsiq”lə danışıqlar aparılır. Şenol Günəşin yetirmələri Super Liqanın cari təqviminə əsasən, istirahət edəcəyi müddətdə – 9-30 aprel aralığında isə Azərbaycana səfər edəcək. “Qara qartallar” adı açıqlanmasa da, Azərbaycanda bir yerli klubla xeyriyyə xarakterli yoldaşlıq oyunu keçirəcək.