"Real"ın çalışdırıcısı Karlo Ançelotti Çempionlar Liqasının qalibi olduqdan sonra ürək sözlərini deyib. 90plus.az Ançelottinin fikirlərini təqdim edir: “Bu, yuxu kimi görünür, amma reallıqdır. Əlbəttə ki, mən çox xoşbəxtəm. Həqiqətən çətin oyun oldu. Birinci hissədə rəqib daha yaxşı oynadı. İkinci hissədə isə biz vəziyyəti ələ aldıq. Final həmişə belə olur”. Oyunun fasiləsində futbolçulara qışqırması barədə:  “Fasilədə yüksək səslə qışqırmağa ehtiyacım yox idi. Amma bəzi şeyəri danışmalı idim. İlk hissədə biz çoxlu top itirirdik. İkinci hissədə taktikamızı bir az da qaydaya saldıq. Meydanda rəqibdən daha yaxşı olduq. Xoşbəxtlikdən, etdiyimiz dəyişikliklər sonda işə yaradı”. Qeyd : Bu Karlo Anççelottinin 5-ci ÇL kubokudur: 2 dəfə "Milan"la; 3 dəfə "Real"la. “Borussiya Dortmund"un baş məşqçisi Edin Terziç isə məğlubiyyəti belə şərh edib: “Biz əla oyun nümayiş etdirdik və düşünürəm ki, 0:2 hesablı məğlubiyyətdən daha yaxşısına layiq idik. İlk saniyədən bütün dünyaya göstərdik ki, biz təkcə finalda oynamaq üçün yox, qalib gəlmək üçün buradayıq. Biz çox şeyi düzgün etdik, lakin onlar lazımi anda doğru davrandılar. Bundan dərs götürməliyik. Biz yaxşı oynadıq, əks-hücumlarda təhlükəli idik, amma bu gün qol vura bilmədik”.