"Fənərbağça" mövsümün sonunda klubla müqaviləsi bitəcək kapitan Edin Ceko ilə bağlı qərarını verib.
90plus.az xəbər verir ki, İstanbul təmsilçisi bosniya və herseqovinalı hücumçunu heyətində saxlamağı planlaşdırır.
Türkiyə klubu 38 yaşlı forvarda 1 illik yeni müqavilə təklif etməyə hazırlaşır. Super Liqa komandası yaxın günlərdə təcrübəli futbolçunun meneceri Alessandro Luççi ilə görüşərək müqavilə şərtlərini müzakirə edəcək.
📰: İtaliya mediası
Xatırlatma: Edin Ceko 2023-cü ilin yayında "Fənərbaxça"ya transfer olunub. Bosniya və Herseqovina millisinin üzvü bu mövsüm Türkiyə təmsilçisinin heyətində 38 rəsmi oyunda iştirak edərək 19 qol vurub və 7 məhsuldar ötürmə verib.
