Hoylund “Mançester Yunayted”lə vidalaşdı. Qoldan sonra: “Artıq rəsmi olaraq “Napoli” oyunçusuyam”.
90plus.az xəbər verir ki, danimarkalı hücumçu bunu "Napoli" komandasının "Piza" üzərində 3:0 hesablı qələbəsindən sonra bildirib.
Danimarkalı forvardın 90+1-ci dəqiqədə vurduğu qol onun üçün xüsusi məna daşıyıb.
Hoylund matçdan sonra verdiyi açıqlamada bunları deyib:
“Bu qol simvolik idi, çünki iki məna daşıyırdı. Biz “Napoli” ilə Çempionlar Liqasına vəsiqəni təmin etdik və müqaviləmə əsasən artıq rəsmən “Napoli” futbolçusuyam. Bu o deməkdir ki, “Mançester Yunayted”lə vidalaşıram.
Bu bir az qəribə hissdir, çünki son bir ildə artıq özümü “Napoli” oyunçusu kimi hiss edirdim. Azarkeşlərin mənə göstərdiyi dəstək, özümü evdəki kimi hiss etdirməsi və yenidən özüməinam qazanmağıma kömək etməsi üçün çox minnətdaram.
“Mançester Yunayted”lə vidalaşmaq isə emosionaldır. Uşaqlıq arzum “Old Trafford”da qırmızı formada oynamaq idi və bu gerçəkləşdi.
Bu günkü qol mənim üçün yeni, özünəinamlı başlanğıcı simvolizə edir. Qarşıdakı dönəmdə “Napoli” üçün hər şeyimi verəcəyəm. Eyni zamanda uşaqlıq arzumun gerçəkləşməsinə kömək edən bütün “Mançester Yunayted” azarkeşlərinə, futbolçularına və klub əməkdaşlarına təşəkkür edirəm. İndi yeni arzuların vaxtıdır.”
