“Real”ın baş məşqçisi Karlo Ançelotti İspaniya kubokunun yarımfinal mərhələsinin “Barselona” ilə görüşündən sonra (0:1) açıqlama verib. 90plus.az “Football Espana”-ya istinadən xəbər verir ki, o, məğlubiyyətə layiq olmadıqlarını deyib: “Bu, çox pis nəticədir. Layiq deyildik. Yaxşı oynadıq. “Barselona”nın istədiyi kimi oynamasına imkan vermədik. Onlara çox təzyiq göstərdik. Rəqib çox güclü müdafiəçilərə malik olduğu üçün qol şanslarından istifadə etmək çətin idi. Çox güc sərf etsək də, nəticə əldə edə bilmədik”. “Barselona” – “Real” cütünün cavab qarşılaşması aprelin 5-də keçiriləcək.