“Real”ın keçmiş futbolçusu Kazemiro UEFA Çempionlar Liqasının 2021/22 mövsümünün 1/8 finalının PSJ ilə matçı (3:1) barədə danışıb. 90plus.az “Madrid Xtra”-ya istinadən xəbər verir ki, o, “Real” bir il öncə Çempionlar Liqasının 1/8 finalında PSJ-ni necə məğlub etdi” sualını aşağıdakı kimi cavablandırıb: “İlk oyundan sonra (PSJ – “Real”, 1:0) qələbə qazanacağımızı mümkünsüz hesab edirdim. Cavab matçında “Real”ın gizli silahı var idi: yəni azarkeşlər”. Xatırladaq ki, “kral klubu” iki oyunun nəticəsinə əsasən, Liqa 1 təmsilçisini məğlub etmişdi. Kazemiro ötən ilin avqustunda “Real”dan “Mançester Yunayted”ə keçib. “Qırmızı şeytanlar” onunla 4+1 illik müqavilə bağlayıb.