“Roma”nın baş məşqçisi Joze Mourinyonun 2 oyunluq cəzası qüvvədə qalıb. 90plus.az xəbər verir ki, portuqaliyalı mütəxəssis İtaliya A seriyasının 24-cü turunda “Kremoneze” ilə matçda (1:2) hakimlərlə mübahisə etdiyi üçün 2 oyunluq diskvalifikasiya edilmişdi. "Roma" apellyasiya şikayəti etdiyindən “Yuventus”la görüşdə cəza dondurulmuş və Mourinyo texniki zonada komandasına rəhbərlik etmişdi. Apellyasiyanı uduzduqdan sonra Mourinyonun cəzası qüvvəyə minib. O, “Sassuolo” və “Latsio” ilə oyunları buraxmalı olacaq.