"Bəlkə də uzun zamandır sadəcə hesab baxımından yox, oyun baxımından da "Bayern Münhen"in əzildiyini görən olmayıb". 90plus.az ntv.spor-a istinadən xəbər verir ki, "Qalatasaray"ın çalıçdırıcısı Okan Buruk Çempionlar Liqasının qrup mərhələsində "Bayern Münhen"lə 1-3 hesablı məğlubiyyət barədə danışıb: "Təbii ki, əsas olan nəticədir. Rəqibimiz xüsusilə 2-ci hissədə oyunu əla aldı. İlk hissədə üstünlük bizdə idi. İlk hissədə 5-6 qol vura bilərdik. "Bavariya" Çempionlar Liqasının 2-ci favoriti kimi göstərilir. Bəzi anlarda pis çıxış etdik, rəqibə şans verdik. Amma bu gecəni 3 xalla başa vura bilərdik. Rəqibimiz şansları daha yaxşı dəyərləndirdi. Yüksək tempdə oynadıq. Buraxdığımız 2-ci qol sayəsində uduzduq. Qrupun ən yaxşı klubuna, 36 oyundur. məğlub olmayan komandaya qarşı öz gücümüzü göstərdik. Digər matçlarda da belə olacaq. Hədəfimiz qrupdan çıxmaqdır. Bir türk komandasının uzun illərdir oynamadığı qədər, güclü bir komandaya qarşı ən güclü futbolu oynadıq. Bunu da meydandakı futbolçular bacardı". Qeyd edək ki, bu komandalar arasında növbəti oyun - 4-cü tur görüşü noyabrın 8-də Münhendə keçiriləcək və saat 00:00-da başlayacaq.