Bir tərəfdə futbolla vidalaşacaq Kroos, digər tərəfdə isə evini tərk edəcək Roys var. 90plus.az xəbər verir ki, ən nüfuzlu futbol turniri- UEFA Çempionlar Liqasının finalı bu gün həm də “Real” və “Borussiya” əfsanələrini qarşılaşdırır Marko Roys 2012-ci ildən Dortmunddadır. Toni Kroos isə 2014-cü ildən “Real Madrid”in şərəfini qoruyur. Hər iki alman oyunçu Çempionlar Liqasının finalında öz klubları üçün son oyunlarını keçirəcəklər. Ulduzlu London gecəsinin sonunda isə yalnız biri gülümsəyəcək! Maraqlı: Toni Kroosun ÇL finalı üçün nəzərdə tutulan butslarına həyat yoldaşı və uşaqlarının adları həkk olunub. FOTO Bu gecə finaldan əvvəl stadionda kuboku Zinedine Zidane təqdim edəcək! Bu gün Çempionlar Liqasının 69-cu qalibi bəlli olacaq! Tarixində 14 dəfə kuboku evinə aparan “Real Madrid” turnirin 1 dəfə qalibi olan “Borussiya Dortmund”a qarşı: Borussiya Dortmund - Real Madrid London, “Uembli” stadionu Saat 23:00 TV: CBC Sport, TV 8