"Bayern Münhen"in baş məşqçisi Tomas Tuxel "Real Madrid"lə (2:2) matçdan sonra açıqlamalar verib. 90plus.az xəbər verir ki, Tuhel “Real Madrid”in cəmi iki şansı olduğunu və onları da qola çevirdiyini söyləyib: "Matça çox yaxşı başladıq və ilk dəqiqədə önə keçə bilərdik. Sonra planımıza sadiq qala bilmədik. Səbəbini deyə bilmirəm. Qol buraxdıq və işlər çətinləşdi. İkinci hissədə hər şey daha da qəlizləşdi. Çoxlu qol şansımız oldu, üçüncü qolu vurmalı idik, alınmadı. Amma onlar iki şans qazandılar, ikisini də qola çevirdilər. Qəribə hissdir, bu”. “Madriddə qalib gəlsək, final üçün "Uembli"yə gedəcəyik". Qeyd : Real Madrid - Bayern Münhen cavab matçı mayın 8-də olacaq. Qalib finala keçəcək! Mənbə: Bavarianfootballworks