Çempionlar Liqasının 1/8 finalında keçiriləcək "Tottenhem" - "Milan" cavab oyunu üçün hakim təyinatları açıqlanıb. 90plus.az xəbər verir ki, matçın baş hakimi Fransa Futbol Federasiyasından Kleman Turpin olacaq. Ona həmyerliləri Nikolas Danos və Bejamin Paqes köməklik göstərəcək. Dördüncü hakim funksiyasını Jeremie Piqnard yerinə yetirəcək. Qeyd edək ki, martın 8-i İngiltərədə keçiriləcək "Tottenhem" - "Milan" görüşü yerli vaxtla 21:00-da (Bakı vaxtı ilə saat 00:00) başlayacaq. Bu komandalar arasında ilk qarşılaşma İtaliya təmsilçisinin 1:0 hesablı qələbəsi ilə başa çatıb.