"Barselona"nın baş məşqçisi Xavi İspaniya kubokunun yarımfinalında səfərdə "Real"a qalib gəldikləri ilk oyun (1:0) barədə danışıb. 90plus.az xəbər verir ki, mütəxəssis qələbəyə görə komandasına minnətdarlığını dilə gətirib: “Çox yaxşı nəticə qazandıq. Amma hələ cavab oyunu qalıb. Buna baxmayaraq, biz öz işimizdən razıyıq. Biz “Real”a öz meydanında çox şanslar yaratmağa icazə vermədik. Çünki onların adətən çox şansları olur. Bu gün isə 89-cu dəqiqəyə kimi yox idi. Komandaya minnətdaram. Son vaxtlar "Barselona" bir nəfər kimi işləyir. Lakin nəticədən razıyıq, oyundan yox. Müəyyən üstünlük əldə etdik, amma rəqib də güclüdür və bu, hələ ilk oyun idi. Evimizdə, azarkeşlərimizin önündə oynayacağıq. Bu, "El-Klassiko"dur. Hər iki komanda ədalətli oyun və hörmətə əsaslanır”. Qeyd edək ki, bu komandalar arasında cavab görüşü aprelin 5-də "Kamp Nou"da olacaq.