Türkiyə Super Liqasının 25-ci turunda “Qalatasaray" və "Kasımpaşa" qarşı-qarşıya gəlib. 90plus.az xəbər verir ki, gərgin keçən görüşdə “Cimbom” 1:0 hesabı ilə qalib gələrək 3 xal qazanıb. "Qalatasaray"a qələbə qazandıran qola yeni transfer Nikolo Zaniolo imza atıb. İkinci hissənin əvvəlində oyuna daxil olan italyan ulduz 57-ci dəqiqədə səhnəyə çıxaraq ilk rəsmi matçında toru havalandırıb. Ardıcıl 14-cü qələbəsini qazanan sarı-qırmızılı komanda 62 ildən sonra "Beşiktaş"ın rekordunu qıra bilib.