Növbəti mövsümdən Çempionlar Liqasının təqvimində ciddi dəyişikliklər olacaq. 90plus.az xəbər verir ki, Ç/L matçları çərşənbə axşamı və çərşənbə günündən əlavə, cümə axşamı da oynanılacaq. Liqa mərhələsinin son həftəsində keçiriləcək 18 qarşılaşmanın hamısı yanvarın 29-da eyni vaxtda başlayacaq. Bu dəyişiklik Çempionlar Liqasında komandaların sayının 32-dən 36-ya yüksəldilməsi, eləcə də ənənəvi qrup mərhələsinin liqa sistemi ilə əvəzlənməsi ilə bağlıdır. Gələn mövsümdən etibarən ÇL-də qrup mərhələsi əvəzinə, hər bir klubun müxtəlif rəqiblərlə 8 oyun keçirəcəyi ümumi liqa təsnifat proseduru tətbiq olunacaq. Son çempion istisna olmaqla avtomatik olaraq birinci səbətdə yerləşdiriləcək komandalar klub sıralamasına əsasən 4 səbətə bölünəcək. Hər komanda hər səbətdən iki komanda ilə qarşılaşacaq. Reytinqdə ilk 8-liyi tutan komandalar birbaşa ilk 16-lığa yüksələcəklər. Doqquzuncu yerdən 24-cü yerə qədər olan klublar qalan 8 vəsiqə üçün iki oyunluq pley-off matçları keçirəcəklər. Pley-off mərhələsində mübarizəni dayandıran komandaların UEFA Avropa Liqasında əvvəlki kimi yollarına davam etmək şansı olmayacaq. Mənbə: Arancha Rodriguez / Sports.ru