”Borussiya Dortmund”un baş məşqçisi Edin Terziç “Real Madrid”də qarşı oynanılacaq Çempionlar Liqasının finalı haqda danışıb. 90plus.az xəbər verir ki, Terziç çox iddialı çıxış edib: “HƏR KOMANDANI MƏĞLUB ETMƏK GÜCÜNDƏYİK” “Həqiqətən də, yaxşı çıxış etdik və bu finala vəsiqə qazandıq. Bu təcrübəni tez-tez yaşamış son dərəcə güclü komanda ilə qarşılaşırıq, lakin matçda hər şeyin mümkün olduğunu bilirik. “Real Madrid”ə qarşı on dəfə oynasaydıq, yəqin ki, qalib gəlməyimiz çox çətin olardı, amma 90 dəqiqə və ya penaltilər və 120 dəqiqə ərzində biz dünyanın istənilən rəqibini məğlub edə bilərik. Ən önəmlisi odur ki, hədəfimiz Çempionlar Liqasını qazanmaqdır. Bunun üçün biz "Real Madrid"i məğlub etməliyik. Onlar son on ildə beş dəfə yarışda qalib gəliblər. Amma bunların heç biri əhəmiyyət kəsb etmir. Çempionlar Liqasında hər şey mümkündür! Bunu göstərən biri varsa, o da bizik. İndi “Real Madrid”in səkkiz finalda səkkiz qalibiyyət seriyasına son qoymağın vaxtıdır! Bunu edə biləcək biri varsa, o da biz olmalıyıq”. Qeyd : “Borussiya Dortmund - Real Madrid” Ç/L finalı iyunun 1-i saat 23:00-da Uembli stadionunda start götürəcək! Mənbə: Sky De