Portuqaliya millisinin kapitanı Kriştiano Ronaldo Türkiyə ilə Avro-2024 matçından (3:0) sonra formasını Arda Gülerə veribmiş.

90plus.az xəbər verir ki, bu barədə Arda Güler özü danışıb:

"Portuqaliya ilə oyunumuzdan sonra Ronaldonun formasını almaq istədim, amma bu cür istəklərə öyrəşmədiyim üçün bir az çəkindim. Ancaq mən Joao Feliksi çoxdan tanıyıram, ona görə də ondan mənim üçün Ronaldonun formasını istəməsini xahiş etdim. 10 dəqiqə sonra Feliks Kriştiano ilə soyunub-geyinmə otağımıza gəldi və hər kəs Ronaldonun özünün gəlməsinə təəccübləndi. O, “Əssəlamu aleykum” dedi və formasını mənə verdi. Əvvəlcə fərqinə varmadım, amma başa düşdüm ki, o, hətta tanımadığı insanları belə xoşbəxt etməyi çox sevir. İnanıram ki, bu an mənim yaddaşımda əbədi qalacaq. Tarixin ən yaxşı oyunçusunun yanınıza gələrək formasını sizə verməsi heyrətamizdir".

Mənbə: Selman Gemuhluoğlu