"Mançester Siti"nin baş məşqçisi Pep Qvardiola bu mövsüm komandasının oyun tarixlərinin ardıcıllığından şikayət edib. 90plus.az "Goal"a istindən xəbər verir ki, ispan mütəxəssis Çempionlar Liqasının 1/8 final mərhələsində “Kopenhagen”lə cavab oyunundan (3:1) sonra belə deyib: “Premyer Liqa təmsilçiləri ilə oyunların mümkün təxirə salınmasından danışmalıyıq? Deyəcəklər ki, çox pul veririk, sus! Çempionlar Liqasında “Kopenhagen”lə oyununda mənə "təzə ayaqlar" lazım idi. Futbolçularımın necə yorğun olduğunu görürəm. Bəzi ölkələrdə çərşənbə günü avrokuboklarda oynadığınız zaman ölkə çempionatında şənbə günü oynamağa icazə verilir. Biz isə bazar günü "Mançester Yunayted"lə qarşılaşdıq. Mənə "təzə ayaqlar" və belə çətin matça tab gətirə bilən insanlar lazım idi”. Qeyd : Ötən gecə "Mançester Siti" "Kopenhagen"i üstələyərək 1/4 finala adlayıb.