“Man Siti”nin baş məşqçisi Pep Qvardiola Çempionlar Liqasının 1/4 finalında “Real Madrid”lə 3-3 bərabərə qaldıqları matç və stadion haqda danışıb. 90plus.az xəbər verir ki, Pep stadionun oyuna təsir etdiyini deyib: “Onlar damı bağladılar, mən səmaya baxmağa üstünlük verirəm. Stadion həqiqətən təsiredicidir, lakin Florentino Peres ot örtüyünü yaxşılaşdırmalıdır. Düşünürəm ki, yaxşı matç oldu. “Real Madrid”ə qarşı oynamaq çox çətindir, çünki onlar çox yaxşı müdafiə olunurlar. Digər tərəfdən, onların hücumdakı sürəti inanılmazdır. Keçid oyununda həmişə bu komandadan qol buraxarsanız, vəziyyətə nəzarət etmək şansınız olmaz. “Mançester Siti”dəki ilk mövsümlərimdə belə bir matç oynasaydıq, 4-1 və ya 5-1 hesabı ilə məğlub olardıq. Bu, komandanın psixi səviyyəsinin gəldiyi nöqtədir”. Mənbə: Sky Sports News