"Real Madrid" tarixində 20-ci dəfə Çempionlar Liqasında 1/4 finala yüksəlib.  90plus.az xəbər verir ki, komanda son olaraq dünən 1/8 final mərhələsinin cavab matçında "Leypsiq"lə heç-heçə edib və ümumi hesabda 2:1 qalib gələrək növbəti mərhələyə adlayıb. "Real" bu göstəricidə təkcə "Bayern Münhen"dən (22) geri qalır. İlk 3-lükdə həmçinin “Barselona” da (18) yer alıb. Kataloniya təmsilçisi “Napoli”ni keçərsə, tarixində 19-cu dəfə 1/4 finala yüksələcək.