"Barselona"nın çalışdırıcısı Xavi Ernandes Çempionlar Liqasının 1/4 finalında PSJ -yə uduzduqları matçdan sonra hakimdən narazılığını söyləyib. 90plus.az xəbər verir ki, o, baş hakim İstvan Kovaçın yanlış qərarlarından şikayətlənib: “Əsəbiyik. Arauxonun hərəkəti qırmızı vərəqəlik deyildi. Mən belə fikirləşirəm. Meydanda 10 futbolçumuzun qalması fəlakət idi. Hakim hər şeyi alt-üst elədi. Təəssüf ki, bütün mövsümdəki işimiz hakim qərarı ilə sona çatdı. Hakimlər haqqında danışmağı xoşlamıram, amma bunu deməliyik, susmaq olmaz. "Barselona" yenidən cəhd edəcək. Çempionlar Liqasında çox layiqli oyunlar keçirdik".  Ronald Arauxonun qırmızı vərəqə aldığı epizod. VİDEO https://t.me/doxsanplus/80280 Qeyd : Matçın 29-cu dəqiqəsində - "Barselona" hesabda 1:0 öndə olarkən Ronald Arauxo qırmızı vərəqə ilə cəzalandırılıb. Matç zamanı “Barselona” heyətinə 5 sarı və 1 qırmızı vərəqə göstərilib. Üstünlüyü ələ alan PSJ 4 qol vurub və yarımfinala yüksəlib. Mənbə: BBC və Fabrizio Romano