“Liverpul"un baş məşqçisi Yurgen Klopp Avropa Liqasının 1/4 finalında evdə “Atalanta”ya ağır məğlubiyyəti (0:3) şərh edib. 90plus.az  xəbər verir ki, o komandasının pis oynadığını və məğlubiyyətə layiq olduğunu deyib. Alman mütəxəssis cavab görüşündə səfərdə komandasının 4 top fərqi ilə qalib gəlməsinin mümkünlüyünə aid suala belə cavab verib: “ Heç bir fikrim yoxdur. Amma indi özümüzü pis hiss edirik və bu, əsas məsələdir. Belə məqamlarda həmişə elə görünür ki, rəqib mərhələ adlayıb. Amma cavab matçını keçirənə qədər heç nə həll olunmayıb. Bizim üçün dəhşətli oyun oldu. Bilirəm ki, bizim uşaqlar yaxşı oynaya bilərlər. Amma bu gün onlar bunu etmədilər”. Qeyd : “Atalanta” - “Liverpul” matçı aprelin 18-də keçiriləcək.