Bu mövsüm Çempionlar Liqasının qrup mərhələsində ən uğurlu driblinq edən futbolçuların adları açıqlanıb. 90plus.az UEFA-nın mətbuat xidmətinə istinadən xəbər verir ki, ilk sırada İtaliyanın "Napoli" klubunda çıxış edən gürcüstanlı Xviça Kvaratsxeliya qərarlaşıb. 22 yaşlı hücumçu 46 uğurlu driblinqlə birincidir. Fransanın PSJ komandasından Kilian Mbappe (44) ikinci, İtaliya "Milan"ından Rafael Leau (36) üçüncü olub. Qeyd: Xviça Azərbaycan milli komandasının sabiq futbolçusu Badri Kvaratsxeliyanın oğludur.