Çempionlar Liqasının qrup mərhələsinin son turunda "Mançester Siti - Srvena Zvezda" (3-2) oyununun baş hakimi azərbaycanlı FİFA referisi Əliyar Ağayev olub. 90plus.az xəbər verir ki, Ağayev bu görüşdə meydan sahiblərindən 3, qonaqlardan isə 1 oyunçuya sarı vərəqə göstərib. O, 85-ci dəqiqədə Serbiya klubunun qapısına penalti təyin edib və "şəhərlilər" 3-cü qolu vurublar. Srvena Zvezda 2 - 3 Man Siti Qollar: Hemilton 19' Bobb 62' Hvang 76' Filips 85' Katai 90' "Mançester Siti" 6 oyundan 18 xalla qrup lideri kimi 1/8 finala adlayıb. "Srvena Zvezda" isə cəmi 1 xalla sonuncu yerlə qrupda qalıb. Bu oyun həm Ə.Ağayev və köməkçiləri, həm də Azərbaycan futbolu üçün tarixi məqamla yadda qalıb. Çünki müstəqilliyimizi bərpa etdikdən sonra ilk dəfə azərbaycanlı hakim Çempionlar Liqasının hazırkı qalibinin ("Mançester Siti") iştirakı ilə keçirilən matçı idarə edib. Ümumilikdə isə bu, Əliyar Ağayevin ÇL-in qrup mərhələsində 2-ci təyinatı olub. O, ötən ilin oktyabr ayında “Kopenhagen” (Danimarka) – “Borussiya” (Dortmund, Almaniya) oyununu (1:1) da idarə edib.