"Fənərbağça"nın prezidenti Ali Koç: “Sebalyosa marağımız var, amma transfer tək seçkilər üçün deyil”.
90plus.az xəbər verir ki, "Fənərbağça"nın prezidenti Ali Koç klubun davam edən transfer planları barədə açıqlama verib. Onun sözlərinə görə, “Real Madrid”in yarımmüdafiəçisi Dani Sebalyos da diqqət mərkəzindədir.
Koç bildirib: “Dani Sebalyosla maraqlanırdıq. "Real Madrid"dən oyunçu gətirmək səs qazanmaq baxımından maraqlı olardı, amma dörd illik xərci 47 milyon avrodur. Dörd ilə bölsək, ildə 11 milyon avro edir. Biz istəyirdik ki, insanlar görsün ki, transferləri sadəcə seçki üçün etmirik.”
Prezident həmçinin əlavə edib ki, klub başqa variantları da araşdırıb, məsələn, son vaxtlar Sivasdan Brentforda keçən gənc futbolçuya maraq olsa da, yüksək maliyyə tələblərinə görə bu mümkün olmayıb. Koç bildirib ki, ehtimal ki, Becao 14-cü əcnəbi oyunçu yerini tutacaq, həmçinin klub orta sahəyə 8 nömrəli oyunçu transfer etməyi planlaşdırır:
“Orta mövqeyə mütləq transfer edəcəyik, bunu mövsümün ikinci yarısında həyata keçirəcəyik.”
Qeyd: Türkiyə mediasından Fotomac yazmışdı ki, “Real Madrid”dən iki futbolçu Türkiyədə maraq doğurur. "Fənərbağça" yarımmüdafiəçi Dani Sebalyos üçün icarə təklifi hazırlayır. İspaniyalı oyunçu avqust ayında yalnız 21 dəqiqə “Real Madrid”də oynayıb, yay pəncərəsində Marselonu rədd etmiş və Xabi Alonsonun rəhbərliyi altında əsas heyətdə yer almağı hədəfləyir.
Eyni zamanda, "Beşiktaş" mərkəz müdafiəçisi Raul Asensioya diqqət yetirib. 22 yaşlı oyunçu “Real Madrid”in açılış oyunlarında iştirak etməyib və İstanbul klubunda əsas heyət üzvü olması planlaşdırılır.
Lakin “Real Madrid”in hər iki futbolçunun ayrılmasına icazə verməsi ehtimalı azdır, çünki heyətin dərinliyi və qış transfer pəncərəsinə qədər onları əvəz edə bilməmək problemi var.
