"Real Madrid"in gənc ulduzu Arda Gülər ​​türk futbolçular arasında bütün zamanların ən yüksək bazar dəyərinə çatan adıdır.

90plus.az xəbər verir ki, onun transfer qiyməti Avro-2024-dən sonra 30 milyon avrodan 45 milyon avroya çatıb.

Hakan Çalhanoğlu və Çağlar Söyüncü də 45 milyon avroya çatmışdı.

Beləcə, Gülər ​​Hakan Çalhanoğlu ilə birlikdə ən yüksək bazar dəyərinə çatan türk futbolçu oldu. Əvvəlki illərdə Çağlar Söyüncü bu dəyərə çatan ilk türk futbolçu olub.