“Fənərbağça”lı futbolçu azarkeşlə mübahisə etdi – polis müdaxilə etdi.
90plus.az xəbər verir ki, Türkiyə Super Liqasının 8-ci turunda baş tutan “Samsunspor” – “Fənərbağça” (0:0) oyunundan sonra gərginlik yaşanıb.
Oyunun ardından “Fənərbağça”nın futbolçusu Mert Hakan Yandaş bir “Samsunspor” azarkeşi ilə tribunaya yaxın məsafədə mübahisə edib.
Hadisə qısa zamanda diqqət çəkib və vəziyyətin böyüməməsi üçün əraziyə polis əməkdaşları cəlb olunub. Hüquq-mühafizə orqanları “Fənərbağça” heyətinin yerləşdiyi sektoru nəzarət altına alıblar.
VİDEO: https://t.me/doxsanplus/108815
Mübahisənin səbəbi hələlik açıqlanmayıb, lakin insidentin matç bitdikdən dərhal sonra baş verdiyi bildirilib.
Məlumatı tanınmış jurnalist Yağız Sabuncuoğlu yayıb.
