İngiltərənin “GiveMeSport” portalı Çempionlar Liqası tarixində oynamış ən kiçik büdcəli 10 klubun siyahısını hazırlayıb . 90plus.az xəbər verir ki, siyahıda klubların iqtisadi vəziyyəti, tarixi, azarkeş bazası və oyuna gələn fanatlarının sayı nəzərə alınıb. Yalnız qrup mərhələsində iştirak əsas götülüb. Reytinqdə Azərbaycan təmsilçisi “Qarabağ” 4-cü yerdə qərarlaşıb. Bu siyahıya düşən 10 komanda: 1. “Unirya” (Rumıniya) 2. “Şerif” (Moldova) 3. “Astana” (Qazaxıstan) 4. “Qarabağ” (Azərbaycan) 5. BATE (Belarus) 6. “Maribor” (Sloveniya) 7. APOEL (Kipr) 8. “Viktoriya” (Plzen, Çexiya) 9. “Krasnodar” (Rusiya) 10. “Antverpen” (Belçika) Xatırlatma: Qarabağ” 2017/18 mövsümündə Azərbaycan futbolu tarixində ilk və hələlik sonuncu dəfə Çempionlar Liqasının qrupuna vəsiqə qazanıb. Bu mərhələdə onlar “Çelsi” (İngiltərə), “Roma” (İtaliya) və “Atletiko” (Madrid, İspaniya) ilə mübarizə aparıb. Qurban Qurbanovun komandası “Atletiko” ilə hər iki oyunda heç-heçə edib (0:0, 1:1) digər dörd matçda isə uduzub və qrupu 2 xalla sonuncu yerdə tamamlayıb.