"Mançester Siti"nin baş məşqçisi Xosep Qvardiola komandasının yenidən Çempionlar Liqasının 1/8 finalında "Kopenhagen"lə oyun öncəsi fikirlərini bölüşüb. 90plus.az xəbər verir ki, o, kuboku qazana biləcəklərinə inandığını deyib: “ Səkkiz il əvvəl kluba gələndə düşündüm: “Bəlkə, Çempionlar Liqası bizim üçün çox şeydir”. İndi komandada hər kəs inanır ki, biz bu turnirin qalibi olmağa qadirik. Bu, klub üçün ən yaxşı mirasdır”. Mütəxəssis "Kopenhagen"lə ilk oyunla bağlı gözləntilərini də bölüşüb: “ Mən deyərdim ki, rəqibimiz qələbəyə acdır və mübarizə aparmaq istəyir. "Kopenhagen"in hazırlaşmağa çox vaxtı var idi. Ümid edirəm ki, biz də layiqli səviyyə nümayiş etdirəcəyik”. Qeyd : "Kopenhagen" - "Mançester Siti" görüşü bu gecə Bakı vaxtı ilə saat 00:00-da başlayacaq.