“Real”ın baş məşqçisi Karlo Ançelotti Çempionlar Liqasında rekorda imza atıb. 90plus.az xəbər verir ki, onun rekordu qrup mərhələsinin 4-cü turunda “Braqa”ya qalib gəldikləri (3:0) oyunda qeydə alınıb. İtaliyalı mütəxəssis Çempionlar Liqasında ən çox qələbə qazanan baş məşqçi olub. Hazırda onun aktivində 116 qələbə var. Ançelotti bu göstəricidə “Mançester Yunayted”in keçmiş baş məşqçisi Aleks Ferqyusonu (115 qələbə) qabaqlayıb. Ançelottinin komandası qrupda keçirdiyi 4 oyunun hamısında qalib gəlib və sona 2 tur qalmış növbəti mərhələyə vəsiqəni təmin edib.